მთავარი » 2017 » დეკემბერი » 18 » რობერტ მესხი - სიზმრის ქირომანტია / robert meskhi - sizmris qiromantia
7:49 PM რობერტ მესხი - სიზმრის ქირომანტია / robert meskhi - sizmris qiromantia
წუხანდელი სიზმარი:
დაორთქლილ მინაზე მიხატული ზაფხული,
მტვრიანი თავებით გაძეძგილი ომნიბუსი
მზეში...
მაწანწალა ძაღლები დაათრევენ ძვალს
და მკბენარები იკბინებიან ძაღლებივით...
ბედ-იღბლის გამყიდველი ბოშა.
არაფერი მესმის ჩემი ხელისგულის,
არც საკუთარი თავის - მთლიანობაში.
მიხსნის -
მთვარის ბორცვზე გაბნეული ვარსკვლავების განლაგებას,
- სიცოცხლის ხაზი -
ახალკანგაცლილი გველივით -
წყდება ვენერას მინდვრებთან ახლოს.
არცერთი ნაოჭი მაჯაზე.
მისმენს -
დაკოჟრილი ცერით პულსზე,
კარგი ექიმივით:
- ჩქარობთ.
- ომნიბუსი უხვევს.
- თქვენი სიცოცხლის ხაზიც...
- საით?
- დატალღულ ბეჭედში გადის.
- გაუჭირდება...
- რატომ?!.
- მიჭერს დატალღული ბეჭედი...
არაფერი მესმის ჩემი ხელისგულის,
არც საკუთარი თავის -
მთლიანობაში.
ვგრძნობ -
დილის მზე იკბინება ძაღლივით...
ხორკლიან სხეულს მიათრევს გზატკეცილი.
გამოხატეთ თქვენი აზრი მოცემული ლექსის შესახებ კომენტარის სახით!..
|
|
კატეგორია: ლექსები |
ნანახია: 769 |
დაამატა: nikolozqartveli
| ტეგები:
| რეიტინგი: 0.0/0 |
|
|
სტატისტიკა
სულ ონლაინში: 1 სტუმარი: 1 მომხმარებელი: 0
|
