მთავარი » 2017 » დეკემბერი » 18 » რობერტ მესხი - ხეების სტრიპტიზი / robert meskhi - kheebis striptizi

8:22 PM

რობერტ მესხი - ხეების სტრიპტიზი / robert meskhi - kheebis striptizi

ხეები იწყებენ სტრიპტიზს,
ნელ-ნელა იხდიან ქარვისფერ აბრეშუმს,
მხრებს და მუხლისთავებს იშიშვლებენ,
ხეები იწყებენ ტრიალს რკინის ლამპიონების გარშემო,
თხელი ვიტრინების გასწვრივ...
მოციმციმე შუქნიშნების ფონზე,
კლასიკური მუსიკის თანხლებით.
ვივალდის შემოდგომა თბილისში...
უფრო ფიროსმანის...
ხეები იწყებენ სტრიპტიზს,
მოციმციმე შუქნიშნები ანათებენ სცენას დილამდე
და დილით
ყვითელ სპეც-ფორმებში გამოწყობილი მეეზოვეები
აგროვებენ ერთმანეთში არეულ ქარვისფერ პენუარებს,
თითქოს ცდილობენ დამალონ,
რომ მთელი ღამე ატეხილ ქართან გაატარეს ხეებმა,
ახლა კი სძინავთ.