მთავარი » 2017 » დეკემბერი » 18 » რობერტ მესხი - დისონანსური / robert meskhi - disonansuri

8:33 PM

რობერტ მესხი - დისონანსური / robert meskhi - disonansuri

შენ მოხვედი და მოიყოლე სუნთქვა ელადის,
ეოსის ნისლი და ამურის ბასრი ისრები,
მო, ღვთაებრივი სითხე შევსვათ, ღვინო - მისწრება,
მერე ამფორა დავატოლოთ კოლხურ ხელადას.

ერთ დროს აქ ცვრიან ბალახს ძოვდნენ ოქროს ვერძები
და ძმისწულს ზრდიდა უძლეველი მეფის და - კირკე;
როდემდე უნდა მეშინოდეს შენი დაკარგვის?!.
ნუთუ იმიტომ გიპოვე, რომ ისევ გეძებო?!.

მოდი, ამფორა დავატოლოთ კოლხურ ხელადას...