სიმარტოვე როგორც აძლიერებს, ისევე ფიტავს ადამიანს. მას, დღეს თუ ხვალ მაინც სჭირდება ვინმე, გადასარჩენად.
მე ვარ მარტოსული, მაგრამ მაინც გადავაბიჯე სხვისი დედის მაღალ ჩრდილს, როდესაც გაჩერებასთან მდგარი, თავის შვილთან ერთად ელოდებოდა ბოლო სამარშუტოს. გულში რაღაც ჩამწყდა, შემდეგ კი ვიგრძენი მცირედი შვება. ჩემს ვარსკვლავს დაუჯდა ბატარეა და ვერავინ გამოცვალა.
ოდესმე, როდესაც სული შეძლებს ფრენას, თვითონ შევცლი, მაგრამ მჯერა, რომ ისაც მალევე ჩაქრება. ჩემი ქოთნის ყვავილი გახმა, ისე, როგორც მე, მოვასწარი დაბერება ახალგაზრდობაშივე.
.
თქვენ იცით რა ღირს პური. თქვენ იცით რა ღირს წყალი. თქვენ ხვდებით სიცოცხლის ღირებულებას. მე კი მხოლოდ ის ვიცი, თუ რა ღირს სიკვდილი და მაინტერესებს ბედნიერების ფასი.
გამოხატეთ თქვენი აზრი მოცემული ლექსის შესახებ კომენტარის სახით!..
