ნინო ქოქოსაძე - წინა კაცის ამბავი / nino qoqosadze - tsina kacis ambavi - 19 დეკემბერში 2017

მთავარი » » ნინო ქოქოსაძე - წინა კაცის ამბავი / nino qoqosadze - tsina kacis ambavi

11:11 PM ნინო ქოქოსაძე - წინა კაცის ამბავი / nino qoqosadze - tsina kacis ambavi
ჩემი წინა კაცი ხიდი იყო. ბონდის კი არა, ფეხქვეშ რომ გიბარბაცებს მთვრალი და - კიდევაც გაზიდებს. არამედ მყარი, რომელიც აზიდეს ფოლადის ჩამოსხმულმა ბურჯებმა - ბარძაყებმა. აბა რა ვიცი... ჩემდა ჭირად! (როგორც ყველა პოეტს, ერთხელ მაინც სიცოცხლეში) მომინდა ხიდიდან გადახტომა... ასჯერ გაზომვა დამეზარა. ისე გავზომე! და ზუსტად ამ დროს - ჩამოატარა დინებამ ჭაობი. აზრზე არ ვიყავი! (ან როდის იყო პოეტები აზრზე იყვნენ - როცა ხტებოდნენ!) ჭაობმა რაც იცის, კი იცით... ციებ-ცხელება! მალარია! და რაც ყველაზე მთავარია, აქ ყველა ბაყაყი ნამდვილი ბაყაყია! და მაგრად ახატია პრინცი თუ რომელიმე ზღაპარშია. ჩემი წინა კაცი ხიდი იყო. უკანა(სკნელი) ქალისთვის! დგას ახლა წყალში და ცეცხლი უკიდია... და მე - ამ ლექსის ფინალისთვის, დაბრუნების კოდექსიდან გადამწვარი ხიდების პარაგრაფი უბრალოდ - გავაქრე! ივლისი. 2016. გამოხატეთ თქვენი აზრი მოცემული ლექსის შესახებ კომენტარის სახით!..
1 2 3 4 5 კატეგორია: ლექსები \| ნანახია: 684 \| დაამატა: nikolozqartveli \| ტეგები: poezia, ლექსი, nino kokosadze, პოეზია, leqsebi, nino qoqosadze, leksi, leqsi, ნინო ქოქოსაძე, leksebi \| რეიტინგი: 0.0/0