ნინო ქოქოსაძე - შორი–შორს / nino qoqosadze - shori-shors
ციმციმებს ცისფერი ლაგუნა – თვალები. ისეთი სუფთაა კენჭივით დაუთვლი სურვილებს. ჩვენ ბედმა გვარგუნა გვეხუროს სხვადასხვა ნაპირი, და მაინც, ერთნაირ ტალღებზე გვარწევდეს... და როცა გაიხდის კუნძული პალმების პარეოს, მთვარეა ჩვენს ცაზე სხვადასხვა ყალიბის, და მაინც, ერთ წყალში შევდივართ მე და შენ, უვადო მარტოობით დასჯილი. გავხედავთ ანაზდად დასიცხულ დაისებს, მზე მუხლზე ადნება ჰორიზონტს, ჩვენც ასე – ძალიან ახლო ვართ, და ასე, ძალიან შორი–შორს.
გამოხატეთ თქვენი აზრი მოცემული ლექსის შესახებ კომენტარის სახით!..
