მთავარი » 2014 » სექტემბერი » 19 » ოთო გურგენიშვილი - ალკოჰოლიკი ტანგო / oto gurgenishvili - alkoholiki tango

2:20 AM

ოთო გურგენიშვილი - ალკოჰოლიკი ტანგო / oto gurgenishvili - alkoholiki tango

აღმოსავლური ტანგო ჩაგვესმის,

თამბაქოს სუნი მოედო ოთახს.

წვიმა ეზოში ბალახს,თავს ესხმის,

ვისკი გვიძვრება სხეულში,გვლოთავს.

ღამით საწოლში სუნთქვით მაგიჟებ,

დილით,ორსული საბნის მგზავრი ხარ.

შენით ნათევი ნაძილ–ნაბიჯებს,

განშორების წუთს,წამით მაკლიხარ.

ალიონს მე და შენ და საწოლი,

მარწყვით მოსვრილი შენი ტუჩები.

ჩემს სხეულს აჩნდა შენით ნაწოლი,

სახლის ხედებად ჩუმი ქუჩები.

აბაზანის ქვეშ მწიფე სხეული,

რომ მეხება და გულს მიავადებს,

შენი ვნებით ვარ ყოვლად სნეული,

კოცნად მოგიფენ ,მკერდს იავარდებს.

ღამე კი როგორც ტყუპი სიამის,

დამსგავსებია ბურუს ალიონს.

შემომეხვია ფონად ნიავის,

დღემ დაღამება მზედ რომ გალიოს.

მიყვარს შენი თმის ღელვით თამაში,

შენი სუნთქვისგან ალუბლის გათლა,

ფრანგული კოცნა ღამით ჰამაკში,

და წელზე შენი ხალების დათვლა.

შენი თვალები დამნებდა ღამით,

შენი სხეული მეკვროდა დილით.

მზემ ჩაგვიარა ღრუბელის ნავით,

კოცნით დაგიბი ამწყდარი ღილი.

ჩემი ნაცვამი პერანგით სახლში

ალკოჰოლს ეძებ საწოლის თავზე.

რომ ისევ დავტკბეთ ედემის ბაღში,

და ისევ დავსხდეთ მთვარისფერ ნავზე.