მთავარი » 2014 » სექტემბერი » 19 » გიორგი საჯაია - ქუჩის მუსიკოსი / giorgi sajaia - quchis musikosi
9:49 PM
გიორგი საჯაია - ქუჩის მუსიკოსი / giorgi sajaia - quchis musikosi
მამაჩემი ქუჩის მუსიკოსია... ყოველ დილით, ნახევარზე შვიდის, მამა დგება, უბრალოდ და კოპწიად იმოსება და სახლიდან მიდის. მამაჩემი ქუჩის მუსიკოსია... მამას იქნებ შია, მაგრამ იცის, ოჯახს უფრო წაადგება ჭამა და მშიერი მიაშურებს მიწის- ქვეშა გადასასვლელს მამა. მამაჩემი ქუჩის მუსიკოსია... გიტარით და გასაშლელი სკამით, მიდის, ჯდება ჩასასვლელთან მეტროს და ბრუნდება სახლში გვიან ღამით, მამა - დიდი მუსიკოსი ერთ დროს. მამაჩემი ქუჩის მუსიკოსია... უკრავს მამა და მადლს ფეხთან უყრის, ყველა, ვინც კი წამოვა და წავა. არის ბედის ირონია, უფრო წამებაა - ამაყია მამა. მამაჩემი ქუჩის მუსიკოსია... ერიდება, მაგრამ რა ჰქნას - უჭირს (მამას ალბათ სულ სხვა ბედი სურდა) და პოეტ შვილს, თან მასსავით - ქუჩის, სახლში პური მიუტანოს უნდა. მამაჩემი დიდი მუსიკოსია... ყოველ დილით, ნახევარზე შვიდის, მამა დგება, უბრალოდ და კოპწიად იმოსება და სახლიდან მიდის.
გამოხატეთ თქვენი აზრი მოცემული ლექსის შესახებ კომენტარის სახით!..
