მთავარი » 2014»სექტემბერი»19 » გიორგი საჯაია - უღელტეხილი, 8 აგვისტო / giorgi sajaia - ugheltekhili, 8 agvisto
9:53 PM
გიორგი საჯაია - უღელტეხილი, 8 აგვისტო / giorgi sajaia - ugheltekhili, 8 agvisto
გვირაბს გამოვცდით, - შუადღის ხვატი მოემწყვდია ფესვებში ძელქვას, - შენ თქვი: რთულია, სიყვარულზე რამე წამოგცდეს. მან თქვა: რთულია, სამშობლოზე რამე დაწერო. მე ვთქვი: ძნელია, სამშობლოში პოეტი გერქვას.
გზა იყო შორი, დაგრეხილი, როგორც ბაწარი. ცა იყო ახლო, როგორც ყელთან სატევრის წვერი. შენ თქვი: ძნელია, სამშობლოზე რამე დაწერო. მან თქვა: ძნელია, სიყვარულზე რამე წამოგცდეს. მე ვთქვი: რთულია სიყვარული. და არა - წერა.
" უკეთუ გინდეს შემოდგომად მისდა - უარყავ! " ვაშლის დახლები, სხვა დახლები, დახლები ნიყვის... შენ თქვი: კარგია, საქართველოს როცა უყვარხარ. მან თქვა: კარგია, საქართველოს როცა უყვარხარ. მე ვთქვი: კარგია საქართველო... როდესაც გიყვარს.
გამოხატეთ თქვენი აზრი მოცემული ლექსის შესახებ კომენტარის სახით!..
