მთავარი » 2014 » სექტემბერი » 25 » მიხეილ ქვლივიძე - კაცი, რომელიც დააკლდა ქალაქს / mikheil qvlividze - kaci, romelic daaklda qalaqs

6:29 PM

მიხეილ ქვლივიძე - კაცი, რომელიც დააკლდა ქალაქს / mikheil qvlividze - kaci, romelic daaklda qalaqs

რამდენი ჩვენგან წასული კაცის
ვერ გადავიხდით ვერასდროს ამაგს...
მაგრამ ის ერთი სხვა იყო მაინც -
კაცი, რომელიც დააკლდა ქალაქს!

ჩვენ მას შორიდან ვიცნობდით მხოლოდ,
ვნატრობდით მასთან ქუჩაში გავლას, -
მან კი გულები დაგვწყვიტა ბოლოს,
კაცმა, რომელიც დააკლდა ქალაქს!

მისი დაკარგვის მწარეა განცდა,
ვერ ამოვავსებთ ცარიელ ალაგს,
რადგან ვერც ერთი ვერ მივალთ მასთან,
კაცთან, რომელიც დააკლდა ქალაქს!

და ეხლა, როცა ქუჩაში, სადმე,
თვალს მოვკრავთ ღიმილს - ნაცნობს და ალალს,
წარმოგვიდგება ძვირფასი სახე
კაცის, რომელიც დააკლდა ქალაქს!

და თითქოს ვითვლით, ისევ და ისევ,
გულში დაგროვილ სიკეთის მარაგს
და ღმერთს ვთხოვთ: ღმერთო, გვაცხოვრე ისე,
რომ ჩვენც ოდესმე დავაკლდეთ ქალაქს!

გამოხატეთ თქვენი აზრი მოცემული ლექსის შესახებ კომენტარის სახით!..

Name: მიხეილ ქვლივიძე - კაცი, რომელიც დააკლდა ქალაქს / mikheil qvlividze - kaci, romelic daaklda qalaqs
Item: მიხეილ ქვლივიძე - კაცი, რომელიც დააკლდა ქალაქს / mikheil qvlividze - kaci, romelic daaklda qalaqs
Author: leo