Загрузка...
როინ აბუსელიძე - ბაბუა / roin abuselidze - babua - 27 სექტემბერში 2014 - პოეზიის სამყარო
ოთხშაბათი, 2017-04-26, 9:00 AM
მოგესალმები სტუმარი | RSS

პოეზიის სამყარო

მთავარი » 2014 » სექტემბერი » 27 » როინ აბუსელიძე - ბაბუა / roin abuselidze - babua


11:54 PM
როინ აბუსელიძე - ბაბუა / roin abuselidze - babua
კაცი იყო. ერთი. უბრალო.
ერთიც უმიზეზო სოფელი,
ახლაც თვალწინ მიდგას უფალო,
მისი საოცარი პროფილი.
ხუთი ვაჟი ჰყავდა ომამდე,
ხუთი თითი ჰქონდა დაზგამდე,
შემდეგ ხსოვნას - ხოტბას ასხამდნენ,
შემდეგ სევდა უფრო მომრავლდა.
ორი ვაჟი შერჩა ბაბუას,
ორი თითი შერჩა ბაბუას,
ბედმა უდარდელად ცხოვრებას,
სიბერეშიც არ შეაგუა.
ბოლოს ლოცვა დაიმეგობრა,
მაგ დროს კადრი ჩანდა ისე რომ -
თითქოს თითზე უფრო დარდობდა,
- ღმერთო,
პირჯვარს ვეღარ ვიწერო...


გამოხატეთ თქვენი აზრი მოცემული ლექსის შესახებ კომენტარის სახით!..