მთავარი » » როინ აბუსელიძე - იგი დგებოდა ყოველთვის ექვსზე / roin abuselidze - igi dgeboda koveltbis eqvsze

0:05 AM

როინ აბუსელიძე - იგი დგებოდა ყოველთვის ექვსზე / roin abuselidze - igi dgeboda koveltbis eqvsze

\"იგი დგებოდა ყოველთვის ექვსზე,
როცა ჯერ კიდევ თვლემდა როტმისტრი,
არ ოცნებობდა იგი იმ ლექსზე,
უკვდავება რომ მოაქვს მგოსნისთვის\"

ასეთი იყო მისი პოეტი,
მარტო რჩებოდა დროსთან, მითებთან,
სხვას აღმერთებდა იგი ყოველთვის,
რომ დაემალა მისი დიდება.

არც მერი ჰყავდა, არც ბეატრიჩე,
არც ბოძებული ნიჭი უფლიდან...
და პოეტივით - მძიმე ნაბიჯებს
მხოლოდ და მხოლოდ ქრისტეს უთვლიდა.

ასე დასრულდა მისი პიესა,
მისი ღმერთი და მისი მგოსანი,
იგი ჯვარს ეცვა როგორც იესო
და არ აღმდგარა იესოსავით -

რადგან დგებოდა ყოველთვის ექვსზე,
როცა ჯერ კიდევ სთვლემდა როტმისტრი,
არ ოცნებობდა იგი იმ ლექსზე,
უკვდავება რომ მოაქვს მგოსნისთვის.