მთავარი » » როინ აბუსელიძე - წუხელის სიზმარს სოფელში ვახლდი / roin abuselidze - tsukhelis sizmars sofelshi vakhldi

0:14 AM

როინ აბუსელიძე - წუხელის სიზმარს სოფელში ვახლდი / roin abuselidze - tsukhelis sizmars sofelshi vakhldi

წუხელის სიზმარს სოფელში ვახლდი
და მთელი ღამე ასე გავიდა,
ისევ იქ დამხვდა ჩვენი ხის სახლი,
ოწინარი და ელო მამიდა.

მდინარეს ბოთლი ჩაჰქონდა დაბლა,
ვიღაც ელოდა წერილს დაბლავე,
ისევ იქ დამხვდა მსხლის ხეც და დაფნაც,
შემდეგ მამა რომ დავასაფლავეთ.

შემდეგ ჰაერი მეჩვენა ხისტი,
მეზობლის ბიჭი კვიცებს ხედნიდა,
მამიდამ თმებში დამალა ქრისტე,
გადმოგდებული მინარეთიდან

და იგრძნო რამდენ ტკივილს ვითმენდით,
ჩემი და მტრედებს საკენკს უყრიდა,
მე ლექსებს ვწერდი ხოლო რითმები,
ამოდიოდა კვამლად ბუხრიდან.

მერე შენც გნახე მინდორში ტიალ,
მურა მოგვსდევდა კუდის ქიცინით
ზვინში დილამდე ვიკოტრიალეთ
და ცას ესმოდა ჩვენი სიცილი.

რომ გამეღვიძა იდგა ცისმარე,
მზე დაჰყურბდა ქალაქს ზემოდან
და მე მომინდა რომ ეს სიზმარი
წუხელის შენაც დაგსიზმრებოდა...