მთავარი » 2017 » დეკემბერი » 19 » ნიკა ჩერქეზიშვილი - * * */ nika cherkezishvili - * * *
11:53 PM ნიკა ჩერქეზიშვილი - * * */ nika cherkezishvili - * * *
მთელი ხეებით გეფერები,
ზამთარგამოვლილ, გაზაფხულით სავსე ხეებით.
სოლოლაკით
და ამაღლების დახრილი ქუჩით.
ჩქარი ნაბიჯით.
მიწისქვეშა გადასასვლელთან
მჯდარი გოგონას რკინის ჯამში ჩაჩხრიალებულ
ორმოცდაათი თუ სამოცი თეთრით.
ღიმილით.
სამარშრუტოში ფეხზე დგომით.
ამ ლექსზე ფიქრით.
გზაზე ნაყიდი ერთი პურით.
უკვე უბანში,
გაუქმებული ნავთის წერტის ძველ სახურავზე
ამძვრალი ბავშვით,
ისევ ყვავილში მყოფ ტყემალს რომ კრეფდა.
უფალო,
კარგად გვამყოფე,
უნებურად გულში გავლებით.
ხველებით, ჩემი ქრონიკული, მუდმივი ხველით
და ექიმთან მიუსვლელობით.
კიბეზე ასვლით
და უშენო ოთახის ფონზე,
სარკეში ჩემი ნეგატივით.
თავის დაჭერით,
რომ რაღაც დიდი უღმერთობა არ ჩავიდინო.
...
შენი ერთი შეხება
და კანქვეშ ფანჯრები იღებიან.
გამოხატეთ თქვენი აზრი მოცემული ლექსის შესახებ კომენტარის სახით!..
|
|
კატეგორია: ლექსები |
ნანახია: 762 |
დაამატა: nikolozqartveli
| ტეგები:
| რეიტინგი: 0.0/0 |
|
|
სტატისტიკა
სულ ონლაინში: 1 სტუმარი: 1 მომხმარებელი: 0
|
