გიორგი გულუა - გამწყობა / giorgi gulua - gantskoba
განწობას გიქმნის სიგარეტის ბოლი და წვიმა, ფანჯრის რაფაზე წვეთი უკრავს არეულ შედევრს, მე დღეს სუყველა ოცნებები სტრიქონში მიმაქვს, ეს რექვიემი დაემსგავსოს პოეტურ შედევრს...
საათის ისრის სიგიჟეებს ჩამოვრჩი ფეხით, რადგან განწობა შემრჩენია უკვე არაფრის, გული სიცოცხლეს მიდასტურებს რიტმული ფეთქვით, დაძინებამდე ვერ მივხვდები დილის ჩანაფიქრს..
ხარ რაღაც ისე... ტრანსფარანტად გაქციეს მგონი, ამოკაწრული მოიგლიჯე ყველა ნერვები, გამოიტენე სულის მხრები უტვინო ცოდვით და მეასედაც ... მეათასედ ცარიელდები
მკერდი დაიტევს არავისგან მოცემულ განცდებს ის რისთვისაც ღირს ორი ფეხის დადგმა მიწაზე, რისთვისაც სხეულს მერამდენე წელია ათრევ, რისთვისაც ყველა ნაშობია დედამიწაზე..
ყველა უგუნურ მეწვრილმანეს უმტკიცებ იმედს, მე წავაწერე ბოლო სტროფი ლექსის ეპიზოდს, კადრების ციკლი მომაგონებს უზარო ფილმებს, ეპილოგისთვის დიდი მადლობა კრეტინ რეჟისორს..
ეს თუ მოითმენ ...თუკი გჯერა სხვა სივრცის არსი და თუ ავარა შემოგიჩნა აზრები ფიქრში... იღებ იარაღს სუყველაზე გვიანი განცდით.. და საფერთქელის ნაწილაკზე მიბჯენით ისვრი..
გამოხატეთ თქვენი აზრი მოცემული ლექსის შესახებ კომენტარის სახით!..
