მთავარი » 2014 » სექტემბერი » 7 » ნელიკო გოგუაძე - დრო, რომელიც დიდ დუმილს იტევს / neliko goguadze - dro, romelic did dumils itevs
11:41 PM
ნელიკო გოგუაძე - დრო, რომელიც დიდ დუმილს იტევს / neliko goguadze - dro, romelic did dumils itevs
ჩვენს შორის იყო ყველაფერი და არაფერი, და ამ უსასრულობით გაჯერებულ ვეება სამყაროში დასეირნობდა პატარა და დამფრთხალი ფიქრი. ჩვენს შორის იყო დრო, დრო, რომელიც დიდ დუმილს იტევდა და ამ დუმილში იყო ის არაფერი, რომელსაც ჩვენთვის ყველაფერი ერქვა. დროსა და სივრცეში აცდენილი ნაფეხურები კი ჯიუტად ეძებდნენ ერთმანეთს და ფიქრად ქცეულები, ჩვენი მოგონებების სამყაროში დასეირნობდნენ. ზღვის მლაშე გემო მთრთოლავ ტუჩებზე ტოვებდა სათქმელს. და მთვარის ბილიკით განათებული ზღვა ზაფხულის ლამაზ და სიყვარულით სავსე ზღაპარს უყვებოდა ვარსკვლავებს. ჰო! ჩვენს შორის იყო ყველაფერი და არაფერი, და ამ უსასრულობით გაჯერებულ ვეება სამყაროში დასეირნობდა ნატვრად ქცეული პატარა და დამფრთხალი ფიქრი.
გამოხატეთ თქვენი აზრი მოცემული ლექსის შესახებ კომენტარის სახით!..
