Загрузка...
ზურაბ გორგილაძე - ბიოგრაფიის პატარა ნაწილი / zurab gorgiladze - biografiis patara natsili - 8 სექტემბერში 2014 - პოეზიის სამყარო
შაბათი, 2016-12-10, 4:04 AM
მოგესალმები სტუმარი | RSS

პოეზიის სამყარო

მთავარი » 2014 » სექტემბერი » 8 » ზურაბ გორგილაძე - ბიოგრაფიის პატარა ნაწილი / zurab gorgiladze - biografiis patara natsili


5:20 PM
ზურაბ გორგილაძე - ბიოგრაფიის პატარა ნაწილი / zurab gorgiladze - biografiis patara natsili


ბიოგრაფიის პატარა ნაწილი
მე ვცოცხლობ როგორც რიგითი ყველა,
მაგრამ არ ვდაობ, მე, ერთადერთი
და გამოგვალულ თავებზე ნელა,
ეშვება ჩემი სინდისის კვერთხი.
მე ვხედავ როგორც რიგითი ყველა,
მაგრამ მე ვწყრები, მე, ერთადერთი,
როცა მიზანი გაურბის რწმენას
და გამოგონილ სიმშვიდეს ელტვის.
ხელიდან ხელში გადადის ფუთა,
თვალიდან თვალში გადადის ზიზღი,
ბრიყვებს ტახტი და მდიდრობა უნდათ,
ბრძენი კითხულობს ”რატომ და რისთვის”
მხოლოდ აქა-იქ ჩოჩქოლი ცოტა,
ისევ დიადი სიმშვიდე ირგვლივ,
ყველა საკუთარ ჩრდილებში სცოდავს
და კანონიერს იხურავს გვირგვინს.
ქვეყანას მზის და ქვეყანას ღელვის,
ქვეყანას ხმლის და ლეჩაქის სინდისს,
ოფლში და ცრემლში იპარავს ბევრი
და ტელეფონის მილებში ყიდის.
მაგრა ჩემს რწმენას ვერ ატიალებს,
დიდი საწუთროს პატარა ხინჯი,
სასწაულების შიგნით ვტრიალებ,
ხალელი გლეხის გაზრდილი ბიჭი.
სასწაულების ალით ვენთები
მშვენიერების სამრეკლოს მაღალს,
ქურდბატონები, ტლანქი დენდები
ქვეყნის ასპარეზს ტოვებენ ახლა
ქართული ზეცა, მისი მზის სული,
“არხევს ახალი სიცოცხლის აკვანს”,
როგორც მემკვიდრე და მეფისწული
ცხოვრების ტახტზე ჩემი დრო ამყავს.
მომდგარა ჟამი ფერიცვალობის
იმედებს დიდი სინათლე აწვიმს
და ყველას ვუვსებ მგოსნის წყალობით,
ბიოგრაფიის პატარა ნაწილს.
ვერა, ჩემს რწმენას ვერ ატიალებს
დიდი საწუთროს პატარა ხინჯი,
სასწაულების შიგნით ვტრიალებ
ხალელი გლეხის გაზრდილი ბიჭი.


გამოხატეთ თქვენი აზრი მოცემული ლექსის შესახებ კომენტარის სახით!..




კატეგორია: ლექსები | ნანახია: 218 | დაამატა: InterestingSite | ტეგები: poezia, ლექსი, ლექსები, პოეზია, პოეტი, leqsebi, poeti, leksi, leqsi, leksebi | რეიტინგი: 0.0/0
სულ კომენტარები: 0
სახელი *:
Email *:
კოდი *:


შესვლის ფორმა
ძებნა
კალენდარი
«  სექტემბერი 2014  »
ორსამოთხხუთპარშაბკვ
1234567
891011121314
15161718192021
22232425262728
2930
სტატისტიკა


სულ ონლაინში: 6
სტუმარი: 6
მომხმარებელი: 0