მთავარი » 2014 » სექტემბერი » 8 » ზურაბ გორგილაძე - ბორჯომის ბოთლი / zurab gorgiladze - borjomis botli
5:21 PM
ზურაბ გორგილაძე - ბორჯომის ბოთლი / zurab gorgiladze - borjomis botli
ბათუმში ამ დროს, ლურჯი სიჩუმით შეზავებულ ხავერდის სეზონს, ნაზი ბინდების მტევნები ართობს, და ყავის ბოლში იბლანდება "სალხინოს" ეზო.
ვაი გონიოს კედლის ბურჯებო... ბიჭნი დალალებს ივარცხნიან გოგონი ქოჩორს, შამპანურს სვლიპავს, ენამზეობს და იფურთხება, მამის ნეხვიდან გამომძვრალი ბრჭყვიალა ხოჭო.
"ვაი თქვენს პატრონს" - ჩუმად ამბობს სომეხი ქალი და სავსე ფინჯანს ანაწილებს რუსული რიგით, უმწეო ღლაპიც წირპლიან და ელამი თვალით ფეხმსუბუქ ცინდალს ფეხისქნევით ახეთქებს იქით -
იქით მაგიდას დაჰფენია ნოხები ფოთლის და ჭიქებს შორის დგას ქართული "ბორჯომის" ბოთლი.
