მთავარი » 2014 » სექტემბერი » 16 » გალაკტიონ ტაბიძე - მრავალჟამიერ გუგუნებდეს ხმა! / galaktion tabidze - mravaljhamier gugunebdes khma!
6:24 PM გალაკტიონ ტაბიძე - მრავალჟამიერ გუგუნებდეს ხმა! / galaktion tabidze - mravaljhamier gugunebdes khma!
მრავალჟამიერ გუგუნებდეს ხმა
"მუმლი მუხასა" და "ლილეოსი",
ეგ გმირთა ჩვენთა არის სიმღერა, -
ეს სიმღერაა საქართველოსი.
მოაპობს მკერდით ზღვას მეზღვაური,
გესმის არაგვის ხმა საცნაური?
გესმის თერგის და მტკვარის ხმაური? -
ეს სიმღერაა საქართველოსი.
მიარღვევს რისხვა აწყვეტის ავის,
რომ არ უდრკება ქვეყნად არავის.
გესმის გრიალი მთებიდან ზვავის? -
ეს სიმღერაა საქართველოსი.
თავისუფლების მოყვარე ერებს,
ვით ზღვას,ვერარა ვერ შეაჩერებს.
მთა რომ იმღერებს,ტყე რომ იმღერებს, -
ეს სიმღერაა საქართველოსი.
აქ გამარჯვების დროშად წერია:
სამშობლო ჩვენთვის ყველაფერია!
თუ რამ სიმღერა გულს უმღერია,
ეს სიმღერაა საქართველოსი.
გმირებით სავსე,სამშობლო მხარევ,
დღეს გამარჯვების გულით მღელვარევ,
იდიდე,ამ ხმას სხვაში ვერ გარევ:
ეს სიმღერაა საქართველოსი.
გამოხატეთ თქვენი აზრი მოცემული ლექსის შესახებ კომენტარის სახით!..
|
|
კატეგორია: ლექსები |
ნანახია: 1049 |
დაამატა: InterestingSite
| ტეგები:
| რეიტინგი: 0.0/0 |
|
|
სტატისტიკა
სულ ონლაინში: 1 სტუმარი: 1 მომხმარებელი: 0
|
