მთავარი » 2014 » სექტემბერი » 17 » გიორგი ოდიშვილი - სიმარტოვე / giorgi odishvili - simartove
6:23 PM გიორგი ოდიშვილი - სიმარტოვე / giorgi odishvili - simartove
ახლა ნატრობ, ბუზი მაინც
შემოფრინდეს გარედან,
რა იცოდი, ბედი სულში
ნაღველს თუ გადარევდა.
წევხარ,ტანჯვის წუთებს ითვლი,
და დღეები გადიან
თავზე გადგას სიმარტოვე,
ვით ერთგული გადია.
გათენდება ორ საათში,
გათენებაც გაჭირდა,
თავს წამოწევ, იქნებ გამვლელს
თვალი მოჰკრა ფანჯრიდან.
გათენდება ღამის ტკივილს
დილა შეამსუბუქებს.
ქარი ანჯღრევს არ ასვენებს.
სახურავის თუნუქებს.
დრო შრიალებს, დრო ჩურჩულებს,
დრო ძველ ამბავს გიყვება,
მიდის ფიქრის ეშელონი,
ლიანდაგებს მიჰყვება.
რა იცოდი, ბედი სულში
ნაღველს თუ გადარევდა,
ახლა ნატრობ, ბუზი მაინც
შემოფრინდეს გარედან.
გამოხატეთ თქვენი აზრი მოცემული ლექსის შესახებ კომენტარის სახით!..
|
|
კატეგორია: ლექსები |
ნანახია: 1590 |
დაამატა: InterestingSite
| ტეგები:
| რეიტინგი: 0.0/0 |
|
|
სტატისტიკა
სულ ონლაინში: 1 სტუმარი: 1 მომხმარებელი: 0
|
