დამეხმარე უფალო... შევძლო კვლავ წამოდგომა შევძლო ისევ ჰაერის ფილტვებამდე ჩატანა ძალა მომეც უფალო რომ შემეძლოს ატანა რომ სისხლი არ გამეყინოს დამეხმარე უფალო დამინგრიეს ქვეყანა... და წამართვეს ტაძრები... სამშობლოდან გამექცნენ დედები და მამები ომში ამომიხოცეს ჩემი ჯარისკაცები... დამეხმარე უფალო... დღეს დავკარგე ოსეთი გუშინ ტაო-კლარჯეთი... იმის წინ კი ჰერეთი ლაფში ამომისვარეს ისტორიის ფურცლები ნაგლეჯებზე შეთითხნეს მოგონილი ამბები.. თითქოს აღარ არსებობს აღარავინ ქართველი... თითქოს გადაიკარგნენ აღარ იბადებიან აღარც ალგეთს ლეკვები აღარც დადიანები და არც არაგველები... დამეხმარე უფალო მე დამადგეს გვირგვინი სიმცირის და სირცხვილის მე, რომელიც ვიყავი ქეთევანი, თამარი და სხვა კიდევ მრავალი დღეს რომ აღარ არსებობს აღარცერთი მათგანი დამეხმარე უფალო სანამ ღამეს დაყვება ოქროსფერი ნათელი სანამ მტკვარი მიითრევს დამძიმებულ მანტიას სანამ მთებში ჯერ კიდევ სიყვარული ანთია დამეხმარე უფალო... დამეხმარე ჟამია.....!!!
გამოხატეთ თქვენი აზრი მოცემული ლექსის შესახებ კომენტარის სახით!..
