მთავარი » 2014 » სექტემბერი » 25 » მარი ბეროძე - ფოთოლცვენა / mariam beroidze - fotolcvena

5:40 PM

მარი ბეროძე - ფოთოლცვენა / mariam beroidze - fotolcvena

ხომ ხდება ხოლმე,
დგას შემართული,
უყურებ,
ალუბლის ტოტებად აყრილ მკლავებზე
ძარღვებიდან ეზრდება გაზაფხული
და ვერ იმეტებ -
სიკვდილია შემობრუნება?!

შემოდგომას ჰგავს ჩემი სიყვარული -
ხეები დგანან ამაყად,
უშფოთველად,
მხოლოდ ფოთლები,
ფოთლები ცვივა მიწაზე.

მე მჭირდებოდა ერთი სიკვდილი
გადარჩენისთვის
და დავიგვიანე -
ვერ შევძელი,
ვერ მოვტრიალდი.