მთავარი » 2014 » სექტემბერი » 25 » მარი ბეროძე - გრავიტაცია / mariam beroidze - gravitacia

5:52 PM

მარი ბეროძე - გრავიტაცია / mariam beroidze - gravitacia

ჰაერი გაიშვიათდა -
ვსუნთქავ და ვკვნესი
(უფრო ვხროტინებ).

დიდი ხანია,
ფანჯრებთან აღარ მოდიან ბეღურები,
ისწორებენ ბუმბულს და
მსუბუქად ლივლივებენ
ღრუბლების ტევრში -
ცამდე იშვიათად აღწევს
მიწის სურნელი.

მხრებჩამოყრილი
მონდომებით ვშლი მკლავებს
და ვჩურჩულებ -
"თუ ფრენისას თვალებს გავახელ
ზეცას როგორღა დავინახავ?!"

ჰორიზონტზე
აღარ ჩანან სილუეტები,
ჰორიზონტზე
აღარ ჩანხარ შენ და
სანამ მოთმინებას გამოველევი,
სანამ შიშველი ტერფებით გავუყვები
სულებთა ბილიკს,
მე დავარღვევ გრავიტაციულ გავლენას
და კი არ მოვალ
განვიზიდები.