მთავარი » » ამირან ჯანჯღავა - არ ავიტან !!! / amiran janjghava - ar avitan !!!

8:27 PM

ამირან ჯანჯღავა - არ ავიტან !!! / amiran janjghava - ar avitan !!!

არავითარ შემთხვევაში, არავითარ
არ ვივიწყებ,ლაზურ დერდებს,არა ბიჯო!
მაგრამ მიწას,ნადემეტრალს,ნადავითარს
მრცხვენია,რომ ასე, ხშირად დავაბიჯო

ვერავითარ შემთხვევაში,ვერავითარ
ვერ იხილავ, თემურ ლენგო,დამშრალ იორს
ღმერთმა არ ქნას! მოვკვდები და ვერ ავიტან
ჩემს მიწაზე, შავ კანიან ლაშა-გიორგს

არასოდეს,გეფიცებით არასოდეს
ენგურს იქით, ხმამაღლა არ მიმღერია
დღე არ ერქვას,ღმერთივით,თუ არ მახსოვდეს
როგორ დარდობს, ნათამარი იბერია

სულს დავხევ და წამითაც კი,არ ავიტან
ქართულ სამოსს,შეფარულო ვაჟბატონო
არავითარ შემთხვევაში, არავითარ
ჩემს მიწაზე, სხვა რჯული, რომ ვაბატონო

(05.04.2014)
ამირან ჯანჯღავა - მეცამეტე თვის პოეტები
amiran janjghava - mecamete tvis poetebi