ზოგჯერ ამინდებსაც ტანჯავთ ამნეზია. ვფიქრობ აპრილია უფრო ეს ივნისი არა,საუბარი განა ამაზეა, მაგრამ,ივნისი და ასე პესიმისტი?! არა,არ მახსოვს და თანაც ხარაკირი ისე გამალებით სურს,რომ ამნეზია, მართლაც მიზეზია,თორემ სხვა რა ჭირი?! როცა,წვიმაშიც კი ისე ლამაზია, როგორც პოეზია, ლექსში მეტაფორა, ანდაც, ფიქრობს იქნებ, კლარა ცეტკინია უნდა,რა ქნას,უფრო მეტი მოფერება, თორემ ამინდები,ისე ეტკინება მერე, ვერ გვიშველის, მენდე ვერც ბიბლია. არა.საუბარი აქ, არც ამაზეა თუმცა ამინდები,როცა ვერლიბრია, ვფიქრობ ჭირდეს უნდა მართლაც ამნეზია. ჰოდა,ახლაც თოვს და გარეთ ივნისია ფიქრი სიკვდილზეც კი, უფრო ლამაზია. სანამ,ამინდებმა დარდი მომისიეს, მინდა ივნისივით მქონდეს ამნეზია.
