იქნებ, დაირღვეს ერთ ღამესაც გრავიტაცია ბრუნვაც შეწყვიტოს ერთდროულად, ყველა ორბიტამ ტატოს მერნებს, ან ლურჯა ცხენებს გავიტაცებ და ათას მეერთე, უკანასკნელ ვარდსაც მოგიტან. იქნებ,ფილტვები შეუხორცდეს ატმოსფეროსაც მერე მიხვდები,სუნთქვა როგორ გასაკვირია რადგან ოცნება ჩემთვის უფრო ატმისფერია ატმოსფერო ხარ, აგერ უკვე, გასულ კვირიდან. ახლა დღეებიც,ცხოვრებაც კი ანტრესოლია მე და შენს შორის,ჰაერივით გამომწყვდეული დგანან სახლები მზის ჩასვლამდე მარტოსულები დგანან და ისევ სეირნობენ გაღმა წყვილები. სადღაც მე და შენ, გვეუფლება ეიფორია სადღაც განწყობაც, ღრუბლებივით არეულია რაღაც, ბოლო დროს, ამინდებიც ერთი ფერია რაღაც, ბოლო დროს, ამინდებსაც აღარ უვლიან. ნეტა,დაირღვეს სვიტერივით გრავიტაცია ბრუნვაც შეწყვიტოს ბორბლებივით ყველა ორბიტამ. არ დავიბნები,ლურჯა ცხენებს გავიტაცებ და სველი ფილტვებით უკანასკნელ ჟანგბადს მოგიტან.
